Авылыбызның картлар һәм инвалидлар интернат-йортында яшәүче әби-бабайларны "Ак чәчәк" балалар бакчасы коллективы онытмый. Бәйрәм саен аларны барып котлап кайталар.
– Өлкәннәр көненә күчтәнәчкә курчак театрын алып бардык. Әби-бабайлар бик рәхәтләнеп театрны карап утырдылар, балаларга гөрләтеп кул чаптылар. Алар үзләренә бәйрәм бүләк иткән өчен рәхмәтләрен җиткерделәр, тагын килүебезне сорадылар, – дип хәбәр итте бакчаның музыка җитәкчесе Эльза Батталова.