Яңа Бүләк авылында татар халык йолаларын саклап калу максатыннан ветераннар белән “Каз өмәсе” күренешен әзерләп авыл халкына күрсәтелде. Монда каз йолку, канат сыдыру, казларны чишмәдә юу йолалары булды. Өмәгә килүчеләр шулай ук татар халыкының борынгы уеннарын уйнадылар, кызыклы табышмакларның җавапларын таптылар, үзләренең яшь вакытта җырлаган җырларын башкарып, яшьлекләрен искә төшерделәр. Соңыннан каз бәлеше һәм каз тәбикмәген авыз итеп чәй эчтеләр.
КФУның Яр Чаллы институтында «МедиаПокорение» балалар һәм яшьләр матбугат чараларының V Бөтенроссия фестивале узды. «Иң яхшы мәктәп газетасы» номинациясендә Яңа поселогы мәктәбенең рус һәм татар телләрендә чыгучы «Чишмә» («Родник») газетасы II дәрәҗә дипломга лаек булды. Аларга «Мегафон» компаниясе истәлекле бүләк тапшырды
"Сәхнә көзгесе" фестивалендә Новый поселогы "Березка" балалар бакчасы театр коллективы "Өч кыз" татар халык әкиятен күрсәтте һәм 1 дәрәҗә диплом белән бүләкләнде.Әкияттә мәктәпкә әзерлек төркеме кызлары: Каримова Р.Р., Хатыпова С.А., Халикова А.Р., Нурутдинова А.А., Зарипова К.Р. катнаштылар.Җитәкчеләре: Нуретдинова Л.Р., Каримова Г.М.