ЯҢАЛЫКЛАР

    Быел  Куады авылында Сабантуйга бүләкләр җыю быел аеруча күңелле үтте. Милли кием кигән, гармун тарткан, җыр сузган үсмерләр, егетләр һәм кызлар  авылның бер очыннан икенче очына төшеп, тастымал, яулык, тукыма кисәкләре җыйды. Йорт хуҗасы яисә хуҗабикәсе, бүләк җыючыларны капка алдында бүләге белән көтеп алды. Егетләр, рәхмәт йөзеннән, аларга багышлап җырлар башкарды. Шунысы да кызык, сабантуйга кунакка кайтучылар  да инде бүләкләрен  әзерләп калдырганнар.

2014-2015 уку елында район мәктәпләренең  120 алдынгы укучысы төрле олимпиада, конкурсларда җиңү яулады-аларны 29 май көнне   утырышлар залына  җыйдылар  . Биредә муниципаль район хакимияте башлыгы Васил Гариф  улы Хаҗиев, муниципаль район Башкарма комитет Җитәкчесе   Расим Вәсим улы Асылгәрәев, район мәгариф идәрәсе башлыгы Рамиль Роберт улы Исаев, алдынгы укучылар, аларның ата-аналары, методик  үзәк  вәкилләре катнашты.
 

1 июнь көнне  Мусабай-Завод мәдәният йорты каршында “Балалар безнең киләчәгебез” исеме астында кичә узды  . Бәйрәмгә авылыбызның өлкән кешеләре, авыл халкы килгән иде. Учакта, зур казанда пешкән ботка, чәй белән авыл халкы да, балалар да сыйландылар. Бәйрәм ахырында авыл җирлеге башлыгы Фәридә Әхмәт кызы балаларга шоколад өләште. Бәйрәм күңелле узды.

1 нче июнь көнне, Ташкичү авылында  “Балалар безнең киләчәгебез!”   бәйрәм үтте.  Әниләр белән бергәләп “Төсле акбур” конкурсында катнаштылар.  Бәйрәм дәвамында тәмле Карга боткасы пешерелде.