Татарстан Республикасы муниципаль берәмлекләре Советының IX съезды кысаларында Президент Рөстәм Миңнеханов һәр елны муниципаль берәмлекләр арасында үтә торган күргәзмә-конкурста җиңүчеләрне бүләкләде. Алар арасында безнең районның да Бәтке, Калмия һәм Теләнче Тамак авыл җирлекләре бар. Әлеге җирлекләрнең башлыклары Президент кулыннан «Шевроле Нива» машиналары ачкычлары алды.

  Казанда «Ел җитәкчесе» республика бәйгесендә катнашучыларны бүләкләү тантанасы үтте. Бүләкләнүчеләр арасында Яр Чаллыдан дүрт җитәкче дә бар. Аларның берсе Тукай районы инвесторы – АКИБАНК» ААҖ идарә рәисе Илдар Галәветдинов.