ЯҢАЛЫКЛАР

Теләнче Тамак балалар бакчасында“Әти, әни һәм мин – сәламәт гаилә” дип исемләнгән  чара 

20 сентябрь көнне район ветераннар советы һәм инвалидлар оешмасының киңәйтелгән утырышы үтте. Анда җирлекләрдәге оешмаларның рәисләре, ветераннар активы чакырылган иде.Утырышта   район башлыгы урынбасары Люция Әхмәтова, социаль яклау идарәсе башлыгы Гөлнара Шәфыйкова, үзәк больницаның баш табибы урынбасары Резедә Дәүләтшина катнаштылар.

Яңа Бүләк авылында зур вакыйга булды. Татарстанның һәм Россиянең халык артисты, Республикабызның Г. Тукай исемендәге дәүләт премиясе лауреаты, легендар якташыбыз , мәшһүр җырчысы Илһам ага Шакировны зурлап, аны ихлас хөрмәтләү йөзеннән, туган авылында чишмәне төзекләндереп, аңа якташыбызның исеме бирелде. Чишмәне ачу тантанасы бик матур узды, анда мәртәбәле кунаклар катнашты: Татарстанның халык язучылары Гәрәй Рәхим , Марсель Галиевны, «Мәйдан» журналы редакторы Вахит , муниципаль район башлыгы Васил Хаҗиев ,«Агрокөч төркеме» ябык акционерлык җәмгыятенең генераль директоры Илдар Гыймадиев, авыл халкы, тирә- күрше авылдан килгән кунаклар.

Яңа укыту-методик комплектлар.Узган елны районыбызның барлык балалар бакчаларында ике дәүләт теленә өйрәтү буенча яңа укыту-методик комплектлар, инновацион технологияләр кулланыла башлады. Боларның барысы да телләр өйрәнүне нәтиҗәле итәргә мөмкинлек бирә .

        14 сентябрь көнне  Ташкичү авыл китапханәсендә «Уңыш бәйрәме» үтте. Кичәгә Ташкичү авылында яшәүче балалар һәм аларның әти-әниләре килде. Чарада балалар арасында рәсем һәм кул эшләре  конкурслары үтте. Җиңүче итеп Калимуллин Рамил табылды. Ә бәйрәмдә “Сөмбелә” исеменә Гимаева Диләрә лаек булды. Чара чәй өстәле артында җыр һәм шигырьләр белән үрелеп барды.