ЯҢАЛЫКЛАР


1
декабрь, 2022 ел
пәнҗешәмбе

 - Оҗмах әниләребезнең аяклары астында. Сез тәрбияләгән балалар үз Ватаннарының патриотлары булсын, алар картлык көннәрендә  таянычыгыз һәм ярдәмегез булсын, - дип чын күңелдән теләкләрен җиткерде җитәкче. Ул хөрмәтле әниләргә якташлары, мөслимлеләр алып килгән гадәти булмаган бүләк турында да хәбәр итте. Мөслим халык театры "Зәңгәр шәл” музыкаль драмасын күрсәтте. Шунысын да билгеләп үтәргә кирәк, үзешәчән артистлар-гади авыл кешеләре (укытучылар, музей хезмәткәрләре, китапханәчеләр, авыл хуҗалыгы хезмәткәрләре), алар профессиональ дәрәҗәдә уйнаулары белән шаккаттырдылар.  Мөслим театры “Идел-йорт – 2022” төбәкара театр коллективлары конкурсында  җиңгән иҗади коллектив.

Актерлык осталыгының югары дәрәҗәсе, катлаулы музыкаль композицияләрнең тере башкарылуы, бай декорацияләр, матур костюмнар беркемне дә битараф калдырмагандыр. Спектакль әниләр өчен чын бүләк булды. Алар арасында-мобилизацияле әниләр, күп балалы, тәрбиягә бала алган ата-аналар.
Тамашадан соң кунак, Мөслим районы башлыгы Альберт Хуҗин, сәхнәгә күтәрелеп, әниләрнең төп бәйрәменә чакырган өчен рәхмәт белдерде, ике муниципалитетның киләчәктә дә хезмәттәшлек итәчәгенә ышандырды. Районыбыз башлыгы Фаил Камаев спектакльне куюда катнашы булган һәркемгә (сәхнәдә артистларны гына без өч дистә санадык, ә бит сәхнә артында ут, музыка, декорация өчен җавап бирүчеләр дә бар иде) рәхмәт белдерде, Синара Яббарованың оста режиссерлык эшен билгеләп үтте, чәчәкләр һәм татлы бүләк тапшырды.
Зал биш минут басып алкышлап торды. Ләкин бу бәйрәм әле тәмамланмаган иде. Яңа поселогыннан ветеран педагог-Разия Хәйруллинаны сәхнәгә чакырып Мөслим районы башлыгы  аңа  чәчәк бәйләме һәм “Мөслим күчтәнәче” торты бүләк итте. Разия Гайнетдинова Альберт Хуҗинның беренче укытучысы булган икән. Җавап сүзендә ветеран булачак җитәкченең мәктәп еллары турында сөйләде, җитәкченең формалашуында зур роль уйнаган төп үзенчәлекләрен билгеләп үтте.
Бәйрәм чарасы ахырында “Гигант” хуҗалыгы җитәкчесе Риф Имамов Мөслим кунакларын бәйрәм табына чакырды.
Ә безнең район башлыгы Фаил Камаев үзенең театр тамашасы белән киләчәктә Мөслим районы тамашачыларын сөендерәчәгенә ышандырды.

Рөстәм Зәкиев фотолары

Яңа поселогындагы «Гигант» хуҗалыгында авыл хуҗалыгы семинары узды.

  Бүген 2022 елның 1 декабрендә Тукай картлар  һәм инвалидлар өчен интернат-йортында социаль хезмәт алучылар арасында шахмат - шашка турниры, Дартс буенча ярыш үткәрелде. Турнирны Тукай муниципаль районының Яшьләр эшләре, спорт һәм туризм бүлеге хезмәткәрләре оештырды.

    

  Россия Пенсия фондының Татарстан бүлеге хәбәр иткәнчә, Россия Пенсия фонды сайтында2023елның 1 гыйнварыннан эшли башлаячак Россия Социаль фонды турында  бүлек ачылды.

        Пенсия  һәм Социаль иминият фондын берләштерү социаль ярдәм чараларыннан файдалануны гадиләштерәчәк - барлык федераль түләүләрне "бер тәрәзә" режимында алырга мөмкин булачак.


30
ноябрь, 2022 ел
чәршәмбе


Бәтке авылы китапханәсе укучылары "Бәллүр курчак"мөмкинлекләре чикле балалар иҗаты фестивалендә катнаштылар.

Авыл кызы Гөлисә.
Сүзем, гади генә Калмия авыл кызы Галиева Гөлисә Касыйм кызы турында.Гөлисә апа Калмия авылында туып үсеп, 7 классны бетергәч, үзенең хезмәт юлын шушы туган авылында дәвам итә. Ул 14 яшьтән хезмәт юлын фермада бозаулар карап, сыер савып башлый. Һәм 41 ел савучы булып эшләп лаеклы ялга китә. Әле ул елларда барлык эшләрдә кул белән башкарылган. -25шәр сыерны кул белән савып ала идек, - дип искә ала апабыз.

Таулар авылы клубы үзешчәннәре Рәзинә Сәетгәрәеваның өр- яңа, табадан гына төшкән шул исемдәге әсәрен сәхнәләштерделәр. Зал бик матур итеп бизәлгән. Өстәлләрдә Рәзинә Сәетгәрәева иҗатын чагылдырган "Туган якның тугры кошлары без" дип исемләнгән китап күргәзмәсе эшләп куелган.

1 декабрьдә төнлә һәм иртән Татарстан Республикасы территориясендә урыны белән томан көтелә.

Бүген Тантаналар сараенда Ана капиталына сертификатлар тапшырылды. Сертификатларга Тукай районының 2 гаиләсе ия булды.ГХАТ идарәсе җитәкчесе Равил Зарипова һәм Яр Чаллы шәһәренең Пенсия фонды җитәкчесе Руслан Шангараев гаиләләрен котладылар һәм сертификатлар тапшырдылар.

Татарстан Республикасында Идел буендагы җирле халыкларның туган телләрендә  “Татарча диктант” дөньякүләм белем тикшерү акциясе узды.


ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International