ЯҢАЛЫКЛАР

  Биклән авылында өлкәннәр өчен узган бәйрәм кичәсе бик җанлы,узды. Чараны «Әллүки» балалар бакчасында тәрбияләнүчеләр башлап җибәрде Бәйрәмдә катнашучыларны    авыл җирлеге башлыгы Мансур Сәхбиев ,район хакимияте исеменнән авыл хуҗалыгы һәм азык-төлек идарәсе башлыгы Хәйдәр Сабитов ,авыл җирлегенең ветераннар оешмасы рәисе Асия Фазуллина  җылы сүзләрбелән тәбрикләделәр. Бәйрәмне әзерләүдә матди ярдәм иткән иганәчеләр Римма Кәримовага, Рафис Билдановка, Равил Биктимеровка, Венера Минеевага рәхмәтләр бу көнне күп булды.

Бакчасарай  авылы өлкәннәре өчен авыл фермеры Равил Миңнехуҗин очрашу кичәсе үткәрде. Ул аларның һәркайсына акчалата бүләк тә әзерләгән иде.  Кичә мул сыйлы чәй өстәле артында узды, әби-бабайлар үзешчәннәр концертын тыңлап, рәхәтләнеп ял итте, аларга концертны  Биклән мәдәният йорты хезмәткәрләре әзерләде

1.  октябрь Иштирәк урта мәктәбендә "Самбо"  спорт клубы эшли башлады. Клубка барлыгы 10 малай, 4 кыз йөри. Җитәкчесе Закиров Марат Саматович. Дәресләр атнага 2 тапкыр: дүшәмбе һәм пәнҗешәмбе көннәре уза. 

Мусабай-Завод урта мәктәбе территориясендә җиңел атлетика буенча район балалар һәм яшүсмерләр спорт мәктәбе беренчелегенә ярышлар үтте. Иске Абдул, Биклән, Кнәз, Яңа Бүләк, Мусабай-Завод, Борды, Иштирәк авыллары һәм Круглое Поле поселогы урта мәктәпләреннән барлыгы 55 яшүсмер катнашты.  

Комсомолец поселогында Өлкәннәр бәйрәме авыл җирлеге башлыгы Ольга Сурованың җылы котлау сүзләреннән башланды. Кичәдә авылның мәдәни һәм ижтимагый тормышында актив катнашучы өлкәннәребез билгеләп үтелде. Шулай ук «яшь» пенсионерлар, оныкларга һәм оныкчыкларга иң бай әби-бабайлар, юбилярлар тәбрикләнде. «Петушок» балалар бакчасына йөрүче нәниләр әби-бабайларына үз җырларын бүләк иттеләр, «Вера» бию ансамбле чыгыш ясады, Изалия Вәлиуллина, Анна Шәрифьянова җырлар башкардылар. Бәйрәм мул итеп әзерләнгән бәйрәм өстәоле артында узды.