ЯҢАЛЫКЛАР

3 июнь көнне Мәләкәс авылында инвалид балалар өчен районкүләм Сабантуй булып узды. Бәйрәмгә төрле авыллардан балалар җыелган иде, алар өчен күңелле уеннар, ярышлар оештырылды. Сабан туен оештыруда  Мәләкәс авыл советы,  мәктәп, мәдәният йорты,  китапханә, “Тамчыкай ” балалар бакчасы коллективлары актив катнашты. 

30 май көнне Мәләкәс авылының “Питрау” керәшен халык фольклор коллективының кечкенәләре төркеме, республикакүләм “Иске Казан- түгәрәк уены” татар халкы фольклоры фестиваленең финалында чыгыш ясап 2 нче дәрәҗә лауреат исеменә лаек булдылар һәм гала-концертта катнаштылар.  

Авыл  җирлекләрендә үзенең эшен оештырып җибәрергә ниятләгән крестьян-фермерларга   грант оту очен акча биреләчәк,гомуми  сумма 44,7 мил. сум. Бу грантны 47 хуҗалыкка алырга мөмкинчелек бар .Программа нигезендә 89 өстәмә эш урыны оештырып булачак. һәрбер эш урынына 500 мең сум акча каралган

1 нче июньнән Татарстанда балаларны 2015-2016 нче елларга мәктәпкәчә белем бирү оешмаларыны туплау эше башланды. бу эш  “Электрон балалар бакчасы” автоматлаштырылган мәгълүмат системасы аша  башкарыла

Юлламаны көтүче балаларның әти-әниләренә ТР дәүләт һәм муниципаль хезмәтләр порталы аша даими рәвештә чиратның статусын тикшереп торырга кирәк. Баланың статусы “Направлен в ДОУ” (“Мәктәпкәчә белем бирү учреждениесенә җибәрелгән”) дип үзгәртелгәч, әти-әниләргә ай дәвамында үзләре сайлаган балалар бакчасына мөрәҗәгать итәргә кирәк.

Исегезгә төшерик: балаларны массакүләм рәвештә мәгариф учреждениеләренә билгеләү эше өч ай, 31 нче августка кадәр дәвам итә.

ТР Мәгълүматлаштыру һәм элемтә министрлыгы матбугат хезмәте

Авыл җирлекләрендә  милли бәйрәм Сабантуйлар уздыру   графигы(үзгәрешләр белән)

 Калмия авылы мәктәбе каршында оештырылган “Чемпион” лагере 2 июньгә кадәр эшләде. Спорт-сәламәтләндерү юнәлешен алган бу лагерьга 36 бала йөрде. Укучыларның сәламәтлеген ныгыту, организмын чыныктыру максатыннан һәр көнне төрле чаралар үткәрелде.

Районның барлык хуҗалыкларына комиссия  чыктык.Комиссия  язгы кыр эшләре тамамланганнан соң уҗымнарның нинди хәлдә икәнлекләрен карады, ул 4 төркемгә бүленеп эшләде. Комиссия составында, район җитәкчелеге һәм авыл хуҗалыгы идарәсе баш белгечләреннән тыш, кыр эшләре барышына контрольлек итәргә, киңәш-тәҗрибәләрен бирергә алынган ветераныбыз –  профсоюз лидеры Гомәр Гайнулла улы Хайруллин да бар иде.   Комиссяия   нәтиҗә ясады: кырларга күз тимәсен,  боз гына сукмасын, уңышы мул булсын дип көтәргә кала

Россия Федерациясе Пенсия фонды ел саен үтә торган «Пенсияне иминиятлэәү буенча 2014 елда иң яхшы мәҗбүри иминиятләүче» Бөтенроссия конкурсына нәтиҗәләр ясады.
Конкурсның төп максаты – иминият взносларын үз вакытында күчерү – эш бирүчеләрнең хәзерге һәм булачак пенсионерлар алдында җаваплылыгы.
Конкурста Пенсия фондына иминият взнослары түләүче барлык эш бирүчеләр дә автомат рәвештә катнашты. 

30 май  көнне "Гиндикуш" музеее директоры Гарипова Резида Рависовна районның  патриотик музей Советы членнары,  ветераннар  ,  ветеран-афганчылар Сарман районы  патриотик музеена баруны оештырды. Бу инициативага Норлат, Минзәлә, Түбән Кама, Яр Ч аллы районнары һәм шәһәрләре дә кушылды.

2 нче июнь   көнне  Иске Абдул китапханәчесе   Зилфира Бахтеева һәм мәдәният йорты сәнгать җитәкчесе  Кәүсәрия Ситдикова    “ Гөлчәчәк”  балалар бакчасында   халыкара балаларны яклау көне   уңаеннан  “Без бәхетле балалачакның  бәхетле балалары “ дип  исемләнгән чара үткәрделәр. Балалар белән уеннар уйналды, төрле конкурслар оештырылды, соңыннан утырып карга боткасы ашадылар. Бәйрәмдә 11 бала катнашты.